Үйлчилгээний нөхцөл

Тус вебсайт нь Counter-Strike 2 тоглоомын ур чадварын тэмцээн зохион байгуулах, түүний оролцооны төлбөр болон шагналын урсгалыг бүртгэх платформ юм. Тоглолт өөрөө манай түрээслэсэн CS2 сервер дээр явагдана.

Хэрэв та эдгээр нөхцөлийн аль нэгийг хүлээн зөвшөөрөхгүй бол платформыг ашиглахаа зогсоох хэрэгтэй. Нөхцөлийг ойлгомжгүй санагдвал кредит цэнэглэхээсээ ӨМНӨ нэвтэрсэн үедээ вебсайтын баруун доод буланд гарах ерөнхий чат-аар асуухыг зөвлөж байна.

• 18 нас хүрсэн байх. Насанд хүрээгүй хүн мөнгөн тэмцээнд оролцох эрхгүй.
• Steam аккаунттай, тэр аккаунт дээрээ Counter-Strike 2 эзэмшдэг байх.
• Steam аккаунт нь VAC болон тоглоомын хориггүй байх.
• Урьд нь тус вебсайтаас хориглогдоогүй байх.

Нэвтрэлтийг Steam эсвэл Google өөрсдөө баталгаажуулна — бид таны нууц үгэнд хэзээ ч хүрэхгүй. Мөнгөн тэмцээнд оролцохын тулд Steam хаяг заавал холбогдсон байх шаардлагатай.

• Нэг хүн нэг аккаунт эзэмшинэ. Хоёр дахь аккаунт (smurf) үүсгэх нь зөрчил.
• Аккаунтаа бусдад дамжуулах, хамтран ашиглах, худалдахыг хориглоно.
• Аккаунтаараа хийгдсэн бүх үйлдлийн хариуцлагыг эзэн нь хүлээнэ.
• Аккаунтад тань зөвшөөрөлгүй хандсан сэжигтэй бол нэн даруй мэдэгдэнэ үү.

Платформ дээрх үлдэгдлийг «кредит» гэнэ. Кредит нь банкны хадгаламж биш: хүү төлөгдөхгүй, даатгагдахгүй, бусад хэрэглэгч рүү шилжүүлэх боломжгүй. Кредит нь зөвхөн тэмцээнд оролцох болон дүрмийн дагуу татан авахад зориулагдана.

Кредитийн бүх хөдөлгөөн (цэнэглэлт, оролцооны төлбөр, буцаалт, шагнал, татан авалт) бүртгэгдэж, «Кредит» хуудсанд харагдана. Зөрүү олсон бол нэвтэрсэн үедээ вебсайтын баруун доод буланд гарах ерөнхий чат-аар нэн даруй мэдэгдээрэй.

Тэмцээн бүр тогтсон шаттай. Оролцогч тухайн шатны дүн дээр 10% заалны хөлс нэмсэн дүнг оролцооны төлбөр болгож төлнө. Жишээ нь 10,000 шатанд оролцоход 11,000 хасагдана.

Заалны хөлс нь серверийн түрээс, платформын ажиллагааны төлбөр юм. Платформ тоглогчийн эсрэг талд оролцдоггүй: шагналын сан бүхэлдээ тоглогчдын хооронд хуваарилагдана. Та түрүүлсэн ч, хожигдсон ч заалны хөлс өөрчлөгдөхгүй. Өөр нуугдмал төлбөр байхгүй.

Тэмцээний үр дүнг тоглогчийн мэдүүлгээр биш, сервер өөрөө зарлана. Дэлгэрэнгүйг «Шударга тоглолтын дүрэм» хэсгээс уншина уу.

Үр дүн гармагц шагнал шууд кредит рүү орохгүй — 30 минутын хүлээлт тавигдана. Энэ хугацаанд гомдол ирээгүй бол шагнал автоматаар нээгдэнэ; гомдол ирвэл шагнал түр хөлдөж, гомдлын өрөө нээгдэнэ.

Тоглолт дуусахаас өмнө серверээс гарсан тоглогч оролцооны төлбөрөө алдана. Гарсан хүний бооцоо платформд ОРОХГҮЙ — түүний багийн үлдсэн гишүүдэд нөхөн олговор болж хуваарилагдана.

Хэрэв багийн бүх гишүүн гарсан бол тэр бооцоо шагналын санд үлдэж, түрүүлсэн тал руу очно.

Сервер унасан, ялагч тодроогүй, эсвэл техникийн шалтгаанаар үр дүн тодорхойгүй болсон тохиолдолд тэмцээн хүчингүй болно. Энэ үед бүх оролцогчид оролцооны төлбөрөө бүтнээр буцааж авна — заалны хөлс ч буцна, платформ юу ч авахгүй. Дундуур гарсан хүн ч бүтнээр авна: хүчингүй болсон тэмцээнд түүнийг буруутгах үндэслэлгүй.

Гомдлын шийдвэрээр хууран мэхлэлт батлагдвал буруутай тоглогчийн оролцооны төлбөр бүтнээр хураагдана. Тухайн тэмцээний бусад бүх оролцогч оролцооны төлбөрөө бүтнээр буцааж авна — тэдний хувьд алдагдал үүсэхгүй.

• Цэнэглэлт QPay-ийн QR кодоор хийгдэнэ. Нэхэмжлэх үүсгэхэд Steam хаяг холбогдсон байх шаардлагатай.
• Нэхэмжлэхийн дүн нь сонгосон шат + 10% байна. Энэ нь нэмэлт хураамж БИШ — оролцооны төлбөрөө урьдчилж санхүүжүүлж байгаа хэрэг. Ингэснээр цэнэглээд шууд тэр шатандаа орох боломжтой болно.
• Нэг нэхэмжлэх 1 цагийн хүчинтэй. Нэг хүнд зэрэг 3 хүртэл нээлттэй нэхэмжлэх байж болно.
• Төлбөр амжилттай болмогц кредит автоматаар нэмэгдэнэ. Хэрэв банк талаас баталгаажилт саатвал нэхэмжлэх «нээлттэй» хэвээр үлдэж, дахин шалгагдана.
• Дутуу төлсөн гүйлгээ автоматаар кредит болохгүй — гараар шалгагдана. Энэ тохиолдолд бидэнд хандана уу.

• Хамгийн бага татан авалт — 5,000 .
• Цэнэглэсэн мөнгөө шууд буцааж татах боломжгүй: цэнэглэлт бүрийн дараа дор хаяж нэг тэмцээн хийсэн байх шаардлагатай. Энэ нь платформыг мөнгө дамжуулах суваг болгон ашиглахаас сэргийлсэн дүрэм.
• Татан авалтад банкны данс шаардагдана. Дансны нэр таны нэртэй таарч байх ёстой.
• Хүсэлт бүртгэгдмэгц кредитээс дүн шууд хасагдаж, банк руу шилжүүлэх ажил оператор дээр очно. Шилжүүлэг гараар хийгддэг тул тэр даруй биш, ажлын цагийн дотор гүйцэтгэгдэнэ.
• Шагналын хүлээлт дээр байгаа эсвэл гомдлоор хөлдөөгдсөн дүнг татах боломжгүй — эхлээд хүлээлт дуусах, гомдол шийдэгдэх шаардлагатай.

Хууран мэхлэх програм ашиглах, тохиролцоогоор тоглох, санаатай хожигдох, өөр хүнээр тоглуулах зэрэг зөрчлийн бүрэн жагсаалт болон тэдгээрийн үр дагаврыг «Шударга тоглолтын дүрэм» хэсэгт бичсэн. Тэр хуудас эдгээр нөхцөлийн салшгүй хэсэг юм.

Зөрчил батлагдвал аккаунт хугацаатай эсвэл хугацаагүй хоригдож болно. Хоригдсон тоглогч шинэ аккаунтаар эргэж орох оролдлого нь бие даасан зөрчил бөгөөд шинэ аккаунт мөн хоригдоно.

Платформ болон CS2 сервер нь техникийн доголдол, интернэтийн тасалдал, гуравдагч талын үйлчилгээний саатлаас болж түр ажиллахгүй байж болно. Ийм тохиолдолд эхний зорилго нь кредитийн бүртгэлийг зөв байлгах — тасалдсан тэмцээн §8-ын дагуу хүчингүй болж, төлбөр буцна.

Тоглогчийн өөрийн интернэт холболт, тоглоомын тохиргоо, компьютерийн доголдлоос үүдсэн алдагдлыг платформ хариуцахгүй. Мөн платформ дээр зарцуулсан мөнгө буцаж орох баталгаа өгөхгүй — тэмцээний үр дүн ур чадвар болон өрсөлдөгчөөс хамаарна.

Counter-Strike 2 болон Steam нь Valve Corporation-ы барааны тэмдэг бөгөөд тус вебсайт нь Valve Corporation-той албан ёсны харилцаагүй, түүгээр баталгаажаагүй бие даасан платформ юм. Тоглоомын доторх бүх агуулгын эрх эзэмшигчид нь хамаарна.

Нөхцөл өөрчлөгдөж болно. Өөрчлөлт орсон бүрд энэ хуудасны «Сүүлд шинэчилсэн» огноо шинэчлэгдэнэ. Мөнгөний дүрэмд (заалны хөлс, татан авалтын нөхцөл, шагнал олголт) нөлөөлөх өөрчлөлтийг платформ дээр тусад нь мэдэгдэнэ. Өөрчлөлтийн дараа үргэлжлүүлэн ашиглах нь шинэ нөхцөлийг хүлээн зөвшөөрсөнд тооцогдоно.

Эдгээр нөхцөлд Монгол Улсын хууль үйлчилнэ. Тэмцээний үр дүн, шагнал, хориг зэрэгтэй холбоотой маргааныг эхлээд «Шударга тоглолтын дүрэм» хэсэгт заасан гомдлын журмаар шийдвэрлэнэ.

Аливаа асуулт, гомдол, хүсэлтийг нэвтэрсэн үедээ вебсайтын баруун доод буланд гарах ерөнхий чат-аар хүлээн авна.