Нууцлалын бодлого

• Бид тоглох, төлбөр тооцоо хийх, шударга байдлыг хангахад хэрэгтэй мэдээллийг л цуглуулна.
• Таны мэдээллийг зар сурталчилгаанд ашиглахгүй, гуравдагч талд ХУДАЛДАХГҮЙ.
• Steam болон Google-ийн нууц үгэнд бид хэзээ ч хүрэхгүй — нэвтрэлтийг тэд өөрсдөө баталгаажуулна.
• Гуравдагч талын зар сурталчилгааны хянагч (tracker) вебсайтад суулгаагүй.

Нэвтрэлтээс: Steam ID, Steam дээрх харагдах нэр болон профайл зураг. Google-ээр нэвтэрсэн бол и-мэйл хаяг болон нэр. FACEIT профайлаа холбосон бол FACEIT-ийн нэр, түвшин, ELO, улс, профайлын холбоос.

Тоглолтоос: оролцсон тэмцээн, баг, үр дүн, ялалт/ялагдлын тоо, чансааны оноо, тоглолтын хугацаа.

Мөнгөнөөс: кредитийн гүйлгээ бүрийн төрөл, дүн, огноо, тайлбар. Татан авалт хийхэд банкны нэр, дансны дугаар, данс эзэмшигчийн нэр.

Харилцаанаас: ерөнхий чат, лоббины чат, хувийн чат, гомдлын өрөөнд бичсэн мессеж.

Техникээс: нэвтрэх үеийн IP хаяг, хөтчийн мэдэгдлийн захиалга (та зөвшөөрсөн бол), сесс-ийн cookie.

• Аккаунтыг таньж, нэвтрүүлэх, лоббид суулгах.
• Тэмцээний баг бүрдүүлэх, үр дүн бүртгэх, чансаа тооцох.
• Кредит цэнэглэх, шагнал олгох, татан авалт гүйцэтгэх.
• Гомдол шалгах, шударга тоглолтын дүрмийг хэрэгжүүлэх, хоригийг тойрох оролдлогыг барих.
• Платформын доголдлыг оношлох, ачааллыг хэмжих.
• Та зөвшөөрсөн бол тоглолтын мэдэгдэл илгээх.

Бид нэг л cookie хэрэглэнэ: нэвтэрсэн эсэхийг таних сесс-ийн cookie. Энэ нь криптограф гарын үсэгтэй бөгөөд 7 хоногийн хугацаатай. Түүнээс өөр хянагч, зар сурталчилгааны cookie байхгүй.

Мэдээллийг зөвхөн үйлчилгээ ажиллуулахад зайлшгүй шаардлагатай хэмжээгээр дараах талуудад дамжуулна:

• Steam (Valve) — нэвтрэлт баталгаажуулах.
• Google — Google-ээр нэвтэрсэн тохиолдолд.
• FACEIT — та профайлаа холбосон тохиолдолд.
• QPay болон түүний гүүр — цэнэглэлтийн нэхэмжлэх үүсгэх, төлбөр баталгаажуулах.
• Supabase — өгөгдлийн сан болон файл хадгалалт.
• Vercel — вебсайтын хостинг.
• CS2 сервер — тоглолт зохион байгуулахад Steam ID болон багийн хуваарилалт дамжина.

Эдгээрээс бусад тохиолдолд мэдээллийг зөвхөн хуулийн байгууллагын албан ёсны шаардлагаар өгнө.

• Сесс-ийн cookie — 7 хоног, эсвэл гарах хүртэл.
• GOTV бичлэг (демо) — тоглолт бүрийг тоглоомын сервер бичдэг. Платформ руу татагдсан бичлэг 72 цагийн дараа устана — гомдол гарвал үүний дотор шалгагдана.
• Гүйлгээ, тоглолтын бүртгэл — санхүүгийн болон маргааны нотлох баримт болдог тул аккаунт идэвхтэй байх хугацаанд хадгална.
• Гомдлын шийдвэр — дараа маргаан гарвал нотлох баримт болох тул бичгээр үлдэнэ.
• Банкны данс — татан авалтын түүхийг батлах, нэг данс олон аккаунт дээр давтагдахыг барих зорилгоор хадгална.

Та өөрийн мэдээлэлдээ хандах, буруу мэдээллийг засуулах, аккаунтаа устгуулах хүсэлт гаргах эрхтэй. Хүсэлтээ нэвтэрсэн үедээ вебсайтын баруун доод буланд гарах ерөнхий чат-аар илгээнэ үү.

Нууц түлхүүрүүд сервер талд л хадгалагдана, сесс-ийн cookie нь гарын үсгээр хамгаалагдсан тул засварлах боломжгүй. Гэсэн ч интернэтэд бүрэн аюулгүй систем гэж байдаггүй — Steam аккаунтдаа Steam Guard идэвхжүүлэхийг зөвлөж байна.

Платформ 18-аас доош насны хүнд зориулагдаагүй бөгөөд бид тэдний мэдээллийг зориудаар цуглуулдаггүй. Насанд хүрээгүй хүний мэдээлэл бүртгэгдсэн нь илэрвэл аккаунтыг хааж, мэдээллийг устгана. Дэлгэрэнгүйг «Хариуцлагатай тоглолт» хэсгээс уншина уу.

Энэ бодлого өөрчлөгдвөл «Сүүлд шинэчилсэн» огноо шинэчлэгдэнэ. Цуглуулах мэдээллийн хүрээ өргөжих тохиолдолд платформ дээр тусад нь мэдэгдэнэ.